დეკანოზ მამალაძის საქმის არსებითი განხილვა 23 ივნისს გაგრძელდება - რა განცხადებებს აკეთებენ მხარეები
მამა გიორგი მამალაძის საქმის არსებითი განხილვა დაცვის მხარის შესავალი სიტყვით 23 ივნისს გაგრძელდება.
მოსამართლის გადაწყვეტილებით, სხდომა კვლავ დახურული იქნება. ბრალდებული დეკანოზის ადვოკატებმა სხდომის გასაჯაროების მოთხოვნით, სასამართლოს დღეს შუამდგომლობით მიმართეს. დაცვას არგუმენტად მთავარი პროკურორის განცხადება მოჰყავს, სადაც ირაკლი შოთაძე ამბობს, რომ საქმის მასალები ბრალდებულის პირადი ცხოვრების ინფომრაციას არ შეიცავს.
მოსამართლემ შუამდგომლობა არ დააკმაყოფილა. სახელმწიფო ბრალდების პოზიციით, მტკიცებულებებში არის მასალა, სადაც ბრალდებული და საქმის მთავარი მოწმე სხვისი პირადი ცხოვრების შემცველ დეტალებზე საუბრობენ ,რის გამოც პროცესი დახურული უნდა იყოს.
დღევანდელ პროცესს მამა გიორგი მამალაძის ოჯახის წევრები და სახალხო დამცველი დაესწრნენ.