„თავისუფლება მუსტაფა ემრე ჩაბუქს“ - ამ მოთხოვნით მთავრობის ადმინიტრაციასთან საპროტესტო აქცია გაიმართა.
დემირელის კოლეჯის მენეჯერის მხადასაჭერად ჩაბუქის ოჯახის წევრები, მისი კოლეგები და არასამთავრობო სექტორის წარმომადგენლები შეიკრიბნენ.
საპროტესტო აქციის მონაწილეები დემირელის კოლეჯის პედაგოგის გათავისუფლებას და მისთვის ლტოლვილის სტატუსის მინიჭებას ითხოვენ.
ისინი ხელისუფლებას მოუწოდებენ არ მოხდეს ჩაბუქის თურქეთის მთავრობისთვის გადაცემა. აქციის მონაწილეებმა მთავრობის კანცელარიიდან პარლამენტის შენობასთან გადაინაცვლეს.
დემირელის კოლეჯის მენეჯერი მუსტაფა ემრე ჩაბუქი სამართლდამცველებმა, თურქული მხარის მოთხოვნით, დაახლოებით ორი კვირის წინ დააკავეს.
თურქული მხარე მას ტერორისტულ ორგანიზაციასთან თანამშრომლობას ედავება. თბილისის საქალაქო სასამართლომ 3-თვიანი წინა საექსტრადიციო პატიმრობა შეუფარდა.