ამერიკის შეერთებული შტატების პრეზიდენტის გადაწყვეტილებით, შტატებმა პარიზის კლიმატური ცვლილებების შეთანხმება დატოვა. პრეზიდენტი ამ გადაწყეტილების მთავარ მოტივად ამერიკელი ხალხის ინტერესსა და ქვეყნის ეკონომიკურ განვითარებას ასახელებს.
მსოფლიო ლიდერები დონალდ ტრამპის გადაწყვეტილებას კრიტიკული შეფასებებით გამოეხმაურნენ. გერმანიის კანცლერმა ანგელა მერკელმა განაცხადა, რომ ეს შეთანხმება პლანეტის მომავლისთვის სასიცოცხლოდ მნიშვნელოვანია, საფრანგეთის პრეზიდენტმა ემანუელ მაკრონმა კი მეცნიერები საფრანგეთში მიიწვია იმ მიზნით, რომ გლობალური დათბობის შესაჩერებლად მუშაობა განაგრძონ.
დონალდ ტრამპის განცხადებას შეერთებულ შტატებსა და სხვა ქალაქებში საპროტესტო აქციები მოჰყვა. პროტესტის ნიშნად, პრეზიდენტის მრჩეველთა საბჭო დატოვა ამერიკელმა გამომგონებელმა და ბიზნესმენმა ილონ მასკმა.