აშშ-ის პრეზიდენტი დონალდ ტრამპი მსოფლიო ლიდერებს სთავაზობს, მას მობილური ტელეფონის საშუალებით დაუკავშირდნენ. ამ ინფორმაციას საინფორმაციო სააგენტო AP ტრამპის ადმინისტრაციის სანდო წყაროზე დაყრდნობით ავრცელებს. გავრცელებული ინფორმაციით, ტრამპმა ამ თხოვნით უკვე მიმართა მექსიკის პრეზიდენტსა და კანადის პრემიერს. მედიის ინფორმაციით, ტრამპის ეს საქციელი დიპლომატიურ პროტოკოლს არღვევს.
ექსპერტები მიიჩნევენ, რომ დონალდ ტრამპის ამ ინიციატივის განხორციელება დაუშვებელია, რადგან პრეზიდენტის სატელეფონო საუბრების მოსმენა ნებისმიერი სხვა ქვეყნის დაზვერვის სამსახურს შეუძლია, რაც ამერიკის სახელმწიფო უსაფრთხოების ინტერესებს ეწინააღმდეგება. თეთრი სახლი ამ თემაზე ოფიციალური კომენტარის გაკეთებისგან ჯერჯერობით თავს იკავებს.