ტენდენცია უცვლელია, ქალთა მიმართ ძალადობის მაჩვენებელი კვლავ მაღალია,- ეს განცხადება უჩა ნანუაშვილმა სახალხო დამცველის ანგარიშის წარდგენისას გააკეთა, რომელიც ქალთა უფლებრივ მდგომარეობას და გენდერულ თანასწორობას ეხებოდა.
2016 წლის ანგარიშის მიხედვით, წინა წელს, ძალადობის ფაქტი 3012 ოჯახში გამოვლინდა და მსხვერპლი ძირითადად ქალია.
რაც შეეხება რისკჯგუფს, ყველაზე მეტი შემთხვევა 25 წლიდან 44 წლამდე ასაკის ქალბატონებში დაფიქსირდა.
სახალხო დამცველის ანგარიშში ნათქვამია, რომ პრობლემა განსაკუთრებით რეგიონებში ფიქსირდება.
დაბალი ცნობიერებიდან გამომდინარე, ნაკლებია მიმართვიანობა. განსაკუთრებით დაბალი მაჩვენებელი რაჭა-ლეჩხუმის, სამცხე-ჯავახეთის, გურიის და მცხეთა მთიანეთის რეგიონებშია.
სახალხო დამცველი სამართალდამცველების მხრიდან მეტი აქტიურობის საჭიროებაზე საუბრობს.