26 მაისის დღესასწაულის მთავარი თემატიკა შოთა რუსთაველი და „ვეფხისტყაოსანი“. რუსთაველის 850 წლის იუბილის აღსანიშნავად, 26 მაისს ღონისძიებები მთელი საქართველოს მასშტაბით, ტარდება ლოზუნგით - „მე რუსთაველის ქვეყნიდან ვარ“.
მრავალფეროვანი ღონისძიებების მთავრი ეპიცენტრი სწორედ რუსთველის გამზირია. აქ წარმოდგენილია შემეცნებით–გასართობი კუთხეები, მუსიკალურ–თეატრალური სცენები, ქართველ მეწარმეთა ბაზრობა, საბავშვო სივრცეები; „ვეფხისტყაოსნის“ უნიკალური გამოცემების ცნობილი კოლექციის გამოფენა. გამზირზე განთავსებულიასხვადასხვა უწყების სივრცეები, სადაც მოქალქეებს მრავალფეროვან ღონისძიებებსა და აქტოვობებს სთავაზობენ ვეფხისტყაოსნის თემატიკაზე.
ვისაც ვეფხისტყაოსნის ეპოქაში მოგზაურობა სურს, შეუძლია გარემოსა დაცვის სამინისტროს სივრცეს მიაკითხოს, სადაც წარმოდგენილია ქაჯეთის ციხის იმიტაცია, იშვიათი ჯიშის მცენარეთა სახეობებით გაშენდება მეგობრობის, რაინდობისა და მიჯნურთა ხეივნები.
„ვეფხისტყაოსნის“ გმირების ფიგურებით ბავშვებს ჭადრაკის თამაშის საშუალება ექნებათ.