მსოფლიო პოლიტიკის ცენტრი დღეს ბრიუსელია.
15 წუთის წინ ბელგიის დედაქალაქში ნატო-ს სამიტი გაიხსნა. ჩრდილო-ატლანტიკური ალიანსის 28 წევრი ახლა ორგანიზაციის ახალ შენობაშია შეკრებილი.
განსაკუთრებული ყურადღების ცენტრშია დონალდ ტრამპი, რომელიც წევრი ქვეყნების სამიტს პირველად ესწრება. ბოლო ხმამაღალი განცხადებების გამო, ალიანსში თეთრი სახლის ლიდერის მიმართ კითხვები დაგროვდა.
სწორედ დღევანდელ სამიტზეა დამოკიდებული, როგორ გაგრძელდება ნატო-ს და ამერიკის შეერთებული შტატების ურთიერთობა.
ალიანსის წევრები რუსეთიდან მოსალოდნელ საფრთხეებსაც განიხილავენ. სამიტზე პირველად იმყოფებიან საფრანგეთის ახალი პრეზიდენტი და დიდი ბრიტანეთის პრემიერიც.
წინასწარი კომენტარების მიხედვით, გზავნილები ნატო-ს ღია კარის პოლიტიკაზეც გაჟღერდება, რასაც საქართველო განსაკუთრებული ინტერესით ელის.
ნატო-ს სამიტს ქეთევან ქარდავა აშუქებს.