დეკანოზ გიორგი მამალაძის ადვოკატები პატივისა და ღირსების შელახვის ასევე ცილისწამებისთვის საქალაქო სასამართლოში სარჩელის შეტანას გეგმავენ.
მათი განცხადებით, სარჩელი მზადების პროცესშია, თუმცა ჯერჯერობით არაა გადაწყვეტილი, ის საპატრიარქოს წინააღმდეგ იქნება, თუ კონკრეტულად იმ პირების, ვინც აღნიშნული ინფორმაცია გაავრცელა.
როგორც დეკანოზის ადვოკატი მიხეილ რამიშვილი აღნიშნავს, საპატრიაქოს იურისტის განცხადება, რომ თითქოს მამა გიორგი მამალაძე საპატრიაქოს გამოყენებას აპირებდა ფულის გათეთრების მიზნით, ცილისწამებაა, რადგან ამგვარი ქმედება არ განხორციელებულა.
დეკანოზის ადვოკატების აღნიშნულ განცხადებას საპატრიაქოს იურისტი ეხმაურება. ედიშერ ქარჩავას თქმით, საჩივრის საგანი არ არსებობს, მან გონივრული ეჭვის საფუძველზე გამოთქვა დასაბუთებული ვარაუდი, რომ ადგილი ჰქონდა თანხების შესაძლო მითვისებას მღვდლის ან სხვა პირთა მიერ.
ედიშერ ქარჩავა აღნიშნავს, რომ დეკანოზ გიორგი მამალაძის ადვოკატების განცხადებები საზოგადოებაზე მანიპულირებაა, რადგან მას არანაირი იურიდიული საფუძველი არ გააჩნია.