უამინდობაა ქვეყნის მასშტაბით - ძლიერმა წვიმამ და ქარმა რამდენიმე რაიონს პრობლემები შეუქმნა. უხვი ნალექის გამო, კალაპოტიდან გადმოვიდა მდინარე რიონი, დაიტბორა ეზოები. მოძრაობა შეიზღუდა ალპანა-ქუთაისის დამაკავშირებელ გზაზე.

რთული ვითარებაა გორის რაიონის სოფლებშიც, სადაც ქარმა და სეტყვამ მოსავალი გაანადგურა. ათობით საცხოვრებელ სახლს კი სახურავი გადახადა.

მოსახლეობა დახმარებას ითხოვს. სინოპტიკოსების ცნობით, წვიმა და ძლიერი ქარი რამდენიმე დღის განმავლობაში გაგრძელდება.