თბილისის საქალაქო სასამართლოს მოსამართლის ბესიკ ბუგიანიშვილის გადაწყვეტილებით, ე.წ. ციანიდის საქმის განხილვა დღეს შეწყდა.
ამის მიზეზად, ბრალდებული დეკანოზის გიორგი მამალაძის მიერ პროტესტის ნიშნად, სხდომის დატოვება იქცა.
სასამართლო სხდომის დახურვის გამო, დეკანოზმა გიორგი მამალაძემაც პროტესტის ნიშნად პროცესი დატოვა. მან მოუწოდა ადვოკატებსაც, დარბაზი დაეტოვებინათ. სხდომაზე შესვენება გამოცხადდა, რომლის დასრულების შემდეგაც, დარბაზში მხოლოდ პროკურორები შევიდნენ.
პროცესის დახურვა ბრალდების მხარემ მოითხოვა. ბრალდების მხრიდან შუამდგომლობების დახურვის მოთხოვნის არგუმენტი იყო ის, რომ შუამდგომლობაში კონკრეტულ ფაქტებსა და მტკიცებულებებზეა საუბარი, რომელიც პირადი ცხოვრების დეტალებს შეიცავს, მათ შორის მესამე პირების ინტიმური ცხოვრების დეტალებს.