კონგრესის დემოკრატიული პარტიის წარმომადგენლები ითხოვენ, დაუყონებლივ დაიწყოს დონალდ ტრამპის, იუსტიციის მინისტრისა და თეთრი სახლის რამდენიმე მაღალჩინოსნის წინააღმდეგ გამოძიება.

გამოცემა ჰილის ინფორმაციით, მიმართვის წერილს ხელი სხვადასხვა კომიტეტების 33-მა დემოკრატმა მოაწერა.

შეგახსენებთ, გამოცემა NY Times-ის მიერ გავრცელებული ინფორმაციის მიხედვით, ამერიკის პრეზიდენტმა ფედერალური გამოძიების ბიუროს უკვე ყოფილ ხელმძღვანელს, ჯეიმს კომის სთხოვა, შეეწყვიტა მაიკლ ფლინის წინააღმდეგ დაწყებული გამოძიება, რომელიც რუს დიპლომატთან საიდუმლო კავშირს ეხებოდა.

თეთრი სახლი ამ ინფორმაციას კატეგორიულად უარყოფს.