საქართველოს ეროვნული ბანკის ფინანსური სტაბილურობის კომიტეტმა, კომერციულ ბანკებში, ლიკვიდობის გადაფარვის კოეფიციენტის გაანგარიშებისა და დაცვის მეთოდოლოგია დაამტკიცა. მისი დანერგვა რეკომენდებული იყო საერთაშორისო სავალუტო ფონდის 2014 წლის პროგრამის ფარგლებში.

როგორც ბანკში აცხადებენ, ახალი მეთოდოლოგიის დანერგვა მნიშვნელოვნად გააუმჯობესებს ზედამხედველობას. ამასთან, გრძელვადიანი ლიკვიდობის რეგულირების მიზნით, მომავალი წლიდან, წმინდა სტაბილური დაფინანსების კოეფიციენტის შემუშავება იგეგმება. მისი დანერგვის შემდგომ, გაუქმდება ლიკვიდობის არსებული მოთხოვნა და ის მხოლოდ მონიტორინგის მიზნით იქნება გამოყენებული.