საკანონმდებლო ხარვეზი, რომელიც თბილისში პარკირების პრობლემას კიდევ უფრო ამწვავებს. მოქალაქეების ნაწილი, არასწორად მონიშნული ტერიტორიების გამო, დედაქალაქის მერიას და „სითი-პარკს“ მიმართავს.

ავტომობილების სწორად გაჩერების შემთხვევაშიც ხშირად მძღოლები, მათი თქმით, იმის გამო ჯარიმდებიან, რომ პარკირების ადგილები სტანდარტების დარღვევითაა მონიშნული. კერძოდ: დასაშვებზე ნაკლები დისტანციაა დაცული ზებრა- გადასასვლეთან, რამდენჯერმე ორმაგი მონიშვნის ფაქტიც დაფიქსირდა.

დაზარალებული მოქალაქეების პრეტენზიებს მესამე სექტორშიც ეთანხმებიან. დედაქალაქის მთავრობა გამოსავალს მრავალსართულიანი პარკინგების მოწყობაში ხედავს.