ცოტა ხნის წინ უბედური შემთხვევა მოხდა ტყიბულში. მინდელის შახტაში ამ წუთებშიც ეძებენ ოთხ მაღაროელს, რომელთა კვალი შახტაში ბაგირის გაწყვეტის შედეგად დაიკარგა. სავარაუდოდ, არის მსხვერპლი. თუმცა დაღუპულების შესახებ ოფიციალური ინფორმაცია ამ ეტაპზე არ ვრცელდება.

ადგილზე უკვე მიემგზავრებიან ეკონომიკის მინისტრი, ასევე სამინისტროს ტექნიკური და სამშენებლო ზედამხედველობის სააგენტოს წარმომადგენლები.

უკვე ტყიბულში იმყოფება იმერეთის გუბერნატორი. სამძებრო და სამაშველო სამუშაოებში საგანგებო სიტუაციების სააგენტოს ბრიგადები არიან ჩართული. ფაქტზე სისხლის სამართლის საქმე აღიძრა.