საფრანგეთს ქვეყნის ისტორიაში ყველაზე ახალგაზრდა პრეზიდენტი ჰყავს. ამომრჩეველთა 66.10 პროცენტის გადაწყვეტილებით, სახელმწიფოს სადავეებს ფრანსუა ოლანდი ემანუელ მაკრონის გადასცემს.
საბოლოო შედეგებით, მარინ ლე პენმა არჩევნებში თითქმის 40 პროცენტიანი მხარდაჭერა მოიპოვა და ახლა მთავარი ოპოზიციური პარტიის ადგილის დაკავებასაც გეგმავს.
მსოფლიო ყურადღებით აკვირდება როგორ წარმართავს ახალი პრეზიდენტი ურთიერთობას ტრადიციულ მოკავშირეებთან და რა საშინაო პოლიტიკას გაატარებს საფრანგეთში.
შეძლებს თუ არა მაკრონი წინასაარჩევნო დაპირებების შესრულებას მაშინ, როდესაც საპარლამენტო არჩევნები ჯერ კიდევ წინ არის.
ტრადიციულად, არჩევნებში გამარჯვებული კანდიდატი ტრიუმფალურ თაღთან ფრანსუა ოლანდთან ერთად უკვე გამოჩნდა.
პარიზში საფრანგეთის საპრეზიდენტო არჩევნების შედეგებს ქეთევან ქარდავა აჯამებს.