საფეხბურთო კლუბმა "გორმა" გამწვანების აქცია მოაწყო. ღონისძიების ფარგლებში გორის ქართლის სტადიონის სათამაშო მოედნის მიმდებარე ტერიტორიაზე სამასი ძირი საქარე ზოლის მცენარე დაირგო, რაც ხელს შეუწყობს საფეხბურთო მოედანზე თამაშის და საწვრთნელი პროცესის ხარისხიანად ჩატარებას.

სტადიონზე სხვა სახის სარეაბილიტაციო სამუშაოებიც იგეგმება, რომელიც საშუალებას მისცემს საფეხბურთო კლუბ "გორს"საშინაო შეხვედრები ქართლის სტადიონზე ითამაშოს.

შეგახსენებთ, რომ გუნდმა წელს საქართველოს თასის გათამაშების მერვედფინალამდე მიაღწია, სადაც ორი დღის წინ გამართულ მატჩში, პენალტების სერიაში, ნორჩ "დინამოსთან" წააგო.