„სან ანტონიო სფერსი“ "ენ-ბი-ეის" პლეიოფის შემდგომ ეტაპზეა. გრეგ პოპოვიჩის გუნდმა, მემფის გრიზლ,ი დასავლეთ კონფერენციის მეოთხედფინალურ სერიაში, საერთო ანგარიშით 4-2 დაამარცხა.

წყვილის მეექვსე მატჩი დღეს დილით მემფისის ფედექს ფორუმში შედგა. თამაში თანაბრად მომდინარეობდა, თუმცა სტუმრებმა უკანასკნელ წუთებზე მაინც მიაღწიეს გადამწყვეტ უპირატესობას და საბოლოოდ 103-96 გაიმარჯვეს.

სფერსში კვლავ კავაი ლეონარდი გამოირჩეოდა. გუნდის ლიდერმა 29 ქულა 9 მოხსნა და 4 პასი მიითვალა აქტივში.

ასევე შესანიშნავი შეხვედრა ჩაატარა ტონი პარკერმა. ფრანგი გამთამაშებლის ანგარიშზე 27 ქულაა. სან ანტონიო კონფერენციის ნახევრაფინლში ჰიუსტონ როკეტსს დაუპირისპირდება.

ტეხასური დერბის სერია 2 მაისს დაიწყება. გუშინვე, აღმოსავლეთ კონფერენციაში შემდგომი ეტაპის საგზური "ტორონტო რეპტორზმა" მოიპოვა. კანადურმა კლუბმა საერთო ანგარიშით, 4-2 დაამარცხა "მილუოკი ბაქსი" და მოქმედ ჩემპიონ "კლივლენდ კავალიერსზე" გავიდა.