რა შეიძლება გაკეთდეს საბერძნეთში მცხოვრები საქართველოს მოქალაქეების ლეგალიზაციის ხელშეწყობისთვის.
საბერძნეთში საქართველოს საგანგებო და სრულუფლებიანი ელჩი მიგრაციის პოლიტიკის მინისტრ იოანის მუზალასს შეხვდა.
იოსებ ნანობაშვილის ინფორმაციით, უახლოეს პერიოდში ბერძნული მხარე ამ საკითხებზე კომუნიკაციისთვის კონკრეტულ პირს გამოყოფს. ელჩის განცხადებით, ისინი შეისწავლიან ყველა შესაძლებლობას, რომელიც ამ მიმართულებით არსებობს და ამის შესახებ ემიგრანტებს ინფორმაციას მიაწვდიან.
ფოკუსირება მოხდება იმ მუხლებზე, რომლებიც, გამონაკლისის სახით, საბერძნეთში მცხოვრებ ე.წ. “მესამე ქვეყნების” მათ შორის საქართველოს მოქალაქეებს ქვეყანაში ლეგალურად ცხოვრების უფლებას აძლევს.
გარდა ამისა, დაიწყება მუშაობა საკანონმდებლო ინიციატივებზე საქართველოს მოქალაქეების ახალი კატეგორიებისთვის საბერძნეთში ლეგალური ცხოვრების შესაძლებლობის მისაცემად, პირველ ასეთ შესაძლო კატეგორიად შეზღუდული შესაძლებლობების მქონე პირებზე მზრუნველი ადამიანები განისაზღვრა.