პარლამენტში მომხდარი გუშინდელი დაპირისპირების შემდეგ, დეპუტატებისთვის ეთიკის კოდექსის შექმნის საკითხი, კიდევ ერთხელ დგება დღის წესრიგში. დოკუმენტზე კანონმდებლები არასამთავრობო ორგანიზაციებთან ერთად მუშაობენ. პროექტის მიხედვით, საპარლამენტო ტრიბუნებიდან ნათქვამ შეურაცხმყოფელ ფრაზებზე და ფიზიკური დაპირისპირების ფაქტებზე სანქციები დაწესდება, თუმცა სანქციების ფორმებზე ჯერ ისევ ფიქრობენ.

პარლამენტარების დასჯის აუცილებლობაზე დეპუტატთა დიდი ნაწილი თანხმდება, არის რამდენიმე გამონაკლისიც. სხდომათა დარბაზში ნასროლი საგნები, ხელჩართული ჩხუბი და გამორჩეული ფრაზები- პარლამენტში მომხდარ ინციდენტებს სალომე ქოქიაშვილი გაგვახსენებს.