მაია რჩეულიშვილის ადვოკატი არ გამორიცხავს, რომ საქართველოს პრეზიდენტს შეწყალების თხოვნით მიმართოს.
ადვოკატი მარიამ ცუცქირიძე ამ ეტაპზე არ ადასტურებს, რომ შეწყალებაზე იგეგმება პრეზიდენტისთვის მიმართვა, თუმცა ამას არ გამორიცხავს.

რაც შეეხება ამ საკითხზე მაია რჩეულიშვილის შვილის, გურამ რჩეულიშვილის პოზიციას, ის ამბობს, რომ ჯერ პრეზიდენტისთვის არ მიუმართავთ.

„ჩვენ ჯერ თავს ვიკავებთ. ვფიქრობთ, რომ პრობლემა გლობალურად არსებობს და არა ამ ერთ ეპიზოდში. ჩვენთვის სხვა ამოცანაა მნიშვნელოვანი. არც ვთვლით, რომ შესაწყალებელი ვართ. ჩვენ ვთვლით, რომ იგივენაირი დაზარალებული ჩვენც ვიყოთ, როგორც - კლიენტები. ჩვენ გვაზარალა გლობალურმა მოვლენებმა და შემდეგ ჯაჭვური რეაქციით კლიენტებზე გადავიდა. თავს დამნაშავედ უნდა თვლიდე, რომ შეწყალებაზე მიმართო და ჩვენ არ ვთვლით, რომ ამ პოზიციაში ვართ“, - აცხადებს გურამ რჩეულიშვილი.

კითხვაზე, გამორიცხავს თუ არა შეწყალებაზე პრეზიდენტისთვის მიმართავს, გურამ რჩეულიშვილი პასუხობს, რომ გამორიცხული არაფერი არ არის.

„ცენტრ პოინტის“ საქმეზე მაია რჩეულიშვილსა და რუსუდან კერვალიშვილს 4-წლიანი პატიმრობა აქვთ მისჯილი.