დღეს ჭადრაკის სასახლეში, ფედერაციის ხელმძღვანელებმა პრესკონფერენცია გამართეს, რომელზეც რამდენიმე მნიშვნელოვან საკითხზე ისაუბრეს.
ათენში გამართულ ჭადრაკის საერთაშორისო ფედერაციის საგანგებო, საპრეზიდენტო საბჭოზე, ფიდეს წევრების უმრავლესობამ, გამოთქვა აზრი, რომ ამ ორგანიზაციის 2018 წლის საპრეზიდენტო არჩევნებში კირსან ილუმჟინოვმა მონაწილეობა აღარ უნდა მიიღოს და მხოლოდ საპატიო პრეზიდენტის სტატუსს დაკმაყოფილდეს.
შეგახსენებთ, რომ რამდენიმე თვის წინ ილუმჟინოვი აფხაზეთის დე ფაქტო ხელისუფლების ჭადრაკის ფედერაციის ხელმძღვანელს შეხვდა და საპატიო სიგელით დააჯილდოვა, რომლის გადაცემის ლეგიტიმური უფლება მას არ ჰქონია.
დღევანდელ შეხვედრაზე, ძირითადი აქცენტი სექტემბერში თბილისში გასამართი საჭადრაკო მსოფლიო თასის სამზადისზე გაკეთდა. მომავალ წელს კი ბათუმი საჭადრაკო ოლიმპიადას და ფიდეს საპრეზიდენტო კონგრესს უმასპინძლებს, სადაც ახალი პრეზიდენტი იქნება არჩეული.
სპეციალურად ამ დიდი საჭადრაკო ფორუმებისთვის ბათუმში, სპორტის ახალის სასახლის აშენებაც იგეგმება