ავიაკომპანია „აირზენას“ თვითმფრინავი, რომელიც თბილისი-მოსკოვის რეისს ასრულებდა, მოსკოვის ვნუკოვოს აეროპორტში დაჯდომისას, ასაფრენ-დასაფრენი ზოლიდან გადავიდა და მიწის მასაში ნაწილობრივ ჩაეფლო. ამის შესახებ ინფორმაციას რუსული მედია ავრცელებს.
მედიის ინფორმაციით, ბორტზე მყოფი 106 მგზავრიდან არავინ დაშავებულა.
ინფორმაციის გადასამოწმებლად, საზოგადოებრივი „აირზენას“ გენერალურ დირექტორს, გივი დავითაშვილს დაუკავშირდა, რომლის თქმით, ამ დროისთვის ინფორმაციის დაზუსტება მიმდინარეობს, ვრცელ კომენტარს კი მოგვიანებით გააკეთებს. მისივე თქმით, თვითმფრინავის მგზავრებიდან არავინ დაშავებულა.
„ახლა ვაზუსტებ დეტალებს და მოგვიანებით გეტყვით ზუსტად. როგორც მეუბნებიან, ადგილობრივი ინციდენტია“, - განაცხადა დავითაშვილმა.