დღეს დიდი შაბათია, ვნების შვიდეულის ბოლო დღე, როდესაც მორწმუნეები აღდგომის დღესასწაულის შესახვედრად ემზადებიან.
მართლმადიდებელი სამყარო მაცხოვრის დასაფლავებას იხესენებს. განსაკუთრებული მოლოდიანია იერუსალიმში. უამრავი მომლოცველი მსოფლიოს სხვადასხვა ქვეყნიდან აღდგომის ტაძარში მდებარე მაცხოვრის საფლავზე ცეცხლის გარდამოსვლის რიტუალს ელის. მათ შორის არიან ქართველი მორწმუნეებიც.
იერუსალიმიდან პირდაპირ ტრანსლაციას პირველი საზოგადოებრივი სამის ნახევრიდან შემოგთავაზებთ.
ცეცხლი პირველად ბეთლემში, ქრისტეს შობის ტაძარში მიაქვთ და შემდეგ ყველა ტაძარში ვრცელდება. საქართველოდან საგანგებოდ წასული დელეგაცია ცეცხლს საქართველოში გვიან ღამით ჩამოიტას. შემდეგ ყველა მოქმედ ტაძარში გავრცელდება და მორწმუნეებს მისი სახლში წაღების საშუალება ექნებათ.