ლეგენდარული ტელეწამყვანი, რომელთანაც ათეულობით გადაცემა და პირველი ქართული ტეელვიზიის მრავალწლიანი ისტორიაა დაკავშირებული -87 წლის ასაკში ჟანეტა არჩვაძე გარდაიცვალა.

საქართველოს სახალხო არტისტი ტელევიზიაში დაარსებიდან მალე მოვიდა. წლების განმავლობაში იყო საინფორმაციო პროგრამა “მოამბის”, ასევე მხატვრული, შემეცნებითი და საბავშვო გადაცემების წამყვანი.

2014 წელს მრავალწლიანი დამსახურებისთვის პირველი ტელევიზიის პირველი თაობის ერთ-ერთ ლეგენდარულ წამყვანს მთაწმინდის სატელევიზიო ანძასთან მისი სახელობის ვარსკვლავი გაუხსნეს.

ყველა თაობისთვის საყვარელი ტელეწამყვანი მშობლიურ ტელევიზიას 30 დეკემბერს, 60 წლის იუბილეზე ესტუმრა.