საქართველოს დელეგაციის ინდოეთის რესპუბლიკაში ვიზიტი გრძელდება. ეკონომიკის მინისტრი გიორგი გახარია ინდოეთის ტურიზმისა და კულტურის სახელმწიფო მინისტრ მაჰეშ შარმას შეხვდა.

შეხვედრაზე მხარეებმა განიხილეს საქართველოსა და ინდოეთს შორის ეკონომიკური ურთიერთობების გაღრმავების შესაძლებლობა. ასევე, ერთ-ერთი მნიშვნელოვანი თემა მსოფლიო ტურიზმის ორგანიზაციის გენერალური მდივნის არჩევნებში საქართველოდან წარდგენილი კანდიდატის, ესპანეთში საქართველოს ელჩის ზურაბ პოლოლიკაშვილის მხარდაჭერას ეხებოდა.