თებერვალში ლარი დოლარის მიმართ 4,5 პროცენტით გამყარდა. ეროვნული ბანკის ინფორმაციით, სავალუტო ბაზარზე მაღალი აქტივობა ნარჩუნდება, თებერვლის თვეში ბაზარზე დოლარი-ლარის ვაჭრობის მთლიანმა ბრუნვამ 63 მლნ. დოლარი შეადგინა, რაც 16 პროცენტით მეტია წინა თვის ბრუნვაზე და 57 პროცენტით მეტი, წინა წლის შესაბამისი თვის მონაცემზე.

მცირედით გაიზარდა თებერვალში სავალუტო ბაზრის კონცენტრაცია, კერძოდ, ბანკთაშორის სავალუტო გარიგებების მთლიანი თანხის 55 პროცენტი, ქვეყანაში მოქმედი 16 ბანკიდან და 41 მიკროსაფინანსო ორგანიზაციიდან 5 ყველაზე აქტიურ ორგანიზაციაზე მოდის.