ამერიკის სადაზვერვო სამსახურის ვარაუდით, ტერორისტულმა დაჯგუფება ისლამურმა სახელმწიფომ და სხვა ექსტრემისტულმა დაჯგუფებებმა, ასაფეთქებელი მოწყობილობების ასამოქმედებლად, ახალი მეთოდები შეიმუშავეს. დაზვერვის წარმომადგენლებს მიაჩნიათ, რომ ტერორისტებმა ისეთი მოწყობილობა შექმნეს, რომელიც აეროპორტებში გამოიყენება. აეროპორტებში დამონტაჟებულ სკანერს მისი შემჩნევა არ შეუძლია. ამ ინფორმაციას ტელეკომპანია CNN ავრცელებს.
როგორც ტელეკომპანიას წყარომ განუცხადა, შესაძლოა, ტერორისტებმა კვების ბლოკში ასაფეთქებელი მოწყობილობების დამონტაჟების ხერხს მიაგნეს. სწორედ აღნიშნულ ინფორმაციას უკავშირდება ის ფაქტიც, რომ ჩრდილოეთ აფრიკისა და ახლო აღმოსავლეთის ქვეყნებიდან, ამერიკის შეერთებულ შტატებში ჩასვლისას, მგზავრებს თვითმფრინავის სალონში ელექტრონული ტექნიკის შეტანა ეკრძალებათ.