რა გეგმით აპირებს განათლების სამინისტრო სასკოლო სახელმძღვანელოების შერჩევას - თებერვალში დამტკიცებულ გრიფირების ახალ წესს გამომცემელთა მსოფლიო ასოციაციისა და საქართველოს წიგნის გამომცემელთა და გამავრცელებელთა ასოციაციის თავმჯდომარეები გაეცნენ.
გამომცემელთა ერთი ნაწილისთვის მიუღებელია 2011 წელს დანერგილი წესი, რომლის მიხედვით, უკვე გრიფირებული სასკოლო წიგნებიდან ტენდერის გზით უპირატესობა ყველაზე დაბალფასიან სახელმძღვანელოებს მიენიჭება.
გამომცემლობები იმ გადაწყვეტილებასაც აპროტესტებენ, რომლის მიხედვით, განათლების სამინისტრო სახელმძღვანელოების დასაბეჭდად სტამბას თავადვე შეარჩევს.
მათ პოზიციას იზირებს გამომცემელთა მსოფლიო ასოციაციაც. პრეტენზიები უსაფუძვლოა განათლების სამინისტროსთვის, რომელიც გრიფირების ახალი წესით 7-მილიონნახევარი ლარის დაზოგვას აპირებს.