შიდა დაპირისპირება მწვავდება „რუსთავი ორში”. ტელეკომპანიის მენეჯმენტი და მფლობელები წილების გადანაწილებაზე ვერ თანხმდებიან.

ძმებ ყარამანიშვილებისთვის მიუღებელი და გაურკვეველია ნიკა გვარამიას მიერ დაანონსებული შ.პ.ს, რომელშიც გენერალური დირექტორი საკუთარი თავის ჩათვლით, მხოლოდ 40 თანამშრომლის გაერთიანებას აპირებს. გვარამიას გეგმით, სწორედ ეს ადამიანები გაინაწილებენ მფლობელების მიერ შეთავაზებულ 51%-იან წილს.

ყარამანიშვილები „რუსთავი ორის” გენერალური დირექტორის მიმართ უკმაყოფილებას ღიად აფიქსირებენ და საჯარო წერილობითი განცხადებების შემდეგ, კომუნიკაციის ფორმას ცვლიან.

ძმების მიმართ კრიტიკას არც გვარამია ერიდება. დაპირისპირების მიზეზებს და ქრონოლოგიას შორენა ხვიჩია გაგვაცნობს.