ავსტრიაში მსოფლიოს სპეციალური ოლიმპიური ზამთრის თამაშები დასრულდა.

ქართველმა სპორტსმენებმა სამ სახეობაში იასპარეზეს და ჯამში 5 მედალი მოიპოვეს.

საუკეთესო შედეგი მარიამ ქურდოვანიძემ აჩვენა, რომელიც თოვლზე ლასტებით სირბილში, ოქროს მედლის მსფლობელი გახდა. ბრინჯაოს მედალი ერგო მარიამ ოქროპირიძეს ფიგურულ სრიალში.

სამთო-სათხილამურო სპორტში ვერცხლის მედალი ნიკოლოზ კიკნაძემ მოიპოვა, ბრინჯაოს მედლები კი მარიამ ხუციანიძემ და გიორგი სანაკოევმა მოიგეს.

ავსტრიაში გამართულ მსოფლიოს სპეციალურ ოლიმპიურ თამაშებში 107 ქვეყნის 2700 სპორტსმენი მონაწილეობდა, მათ შორის 7 ქართველი იყო.