კონტრდაზვერვის ყოფილი მაღალჩინოსანი დავით დევნოზაშვილი ფოტოგრაფების საქმეზე მის წინააღმდეგ წარმოებულ სამართლებრივ პროცესს პოლიტიკურს უწოდებს და თავს უდანაშაულოდ მიიჩნევს.

განცხადება დევნოზაშვილმა დღევანდელ პროცესზე მას შემდეგ გააკეთა, რაც მოსამართლემ დაცვის მხარის შუამდგომლობაზე გადაწყვეტილება გამოაცხადა და ბრალდებული კვლავ პატიმრობაში დატოვა.

მოსამართლემ ასევე არ გაითვალისწინა კიდევ ერთი შუამდგომლობა რომლითაც ადვოკატებს უარი ეთქვათ საქმის არსებითი განხილვის არდაწყებაზე.

მოსამართლის გადაწყვეტილებები ადვოკატებისთვის მიუღებელია. ბრალდების მხარე კი ფიქრობს, რომ შუამდგომლობები კანონიერად არ დაკმაყოფილდა.