ლონდონში, ვესტმინსტერის მიმდებარე ტერიტორიაზე განვითარებული მოვლენები, ამ დროის ინფორმაციით, სკოტლანდ იარდმა ტერორისტულ ინციდენტად შეაფასა. თუმცა არაა გამორიცხული, რომ შეფასება შეიცვალოს.
პარლამენტის შენობასთან პოლიციამ ცეცხლი გაუხსნა მამაკაცს, რომელსაც, გავრცელებული ინფორმაციით, დანა ეჭირა ხელში.
გარდა ამისა, ლონდონში, ვესტმინსტერის ხიდთან ავტომობილი ტროტუარზე ავარდა, ფეხით მოსიარულეებს და პოლიციის ოფიცერს დაეჯახა.
ამ დროისთვის ადგილზე უსაფრთხოების ზომები გამკაცრებულია.
პარლამენტის თანამშრომლები გააფრთხილეს, რომ უსაფრთხოების მიზნით, შენობაში დარჩენილიყვნენ.
გამოცემა Independent-ის პოლიტიკურმა რედაქტორმა სოციალურ ქსელ „ტვიტერში“ შემდეგი რამ დაწერა: „იქ იყო ხმამაღალი, ყვირილი. შემდეგ გაისმა გასროლის ხმა. ყველგან შეიარაღებული პოლიცია იდგა“.
ვესტმინსტერის მიმდებარე ტერიტორიაზე პოლიციამ ტრანსპორტის მოძრაობა შეაჩერა.
იხილეთ ვიკიპედიაში ტერორისტული ინციდენტების ქრონოლოგია.