ბათუმის საქალაქო სასამართლოს გადაწყვეტილებით, აღკვეთი ღონისძიების სახით, წინასწარი პატიმრობა შეეფარდა 11-12 მარტის საპროტესტო აქციებზე აღძრული სისხლის სამართლის საქმეზე დაკავებულ კიდევ 9 პირს.
საქალაქო სასამართლოს თავმჯდომარის, დავით მამისეიშვილის ამ გადაწყვეტილებას ხმაური მოჰყვა სასამართლო დარბაზსა და შენობის ეზოში.
გადაწყვეტილებას დაკავებულთა დედები აპროტესტებენ. ისინი არ უარყოფენ, რომ დაკავებულები აქციაზე ნამდვილად იმყოფებოდნენ, თუმცა მათ მიერ კანონდარვევის ფაქტებს უარყოფენ.
დაკავებულთა ახლობლები საპროტესტო აქციებს აანონსებენ. ბათუმის მოვლენებთან დაკავშირებით აღძრულ სისხლის სამართლის საქმეზე, ამ დროისთვის წინასწარ პატიმრობაში უკვე 15 პირი იმყოფება.
გამოძიების მიმდინარეობის პროცესში არ გამორიცხავენ დაკავებულთა რაოდენობის გაზრდას.