საფეხბურთო კლუბი „საბურთალო“ დავით ყიფიანის სახელობის გათამაშებიდან მოიხსნა. მიზეზი მეთექვსმეტედფინალურ ეტაპზე კლუბის მხრიდან თასის გათამაშების დებულების მეცხრე მუხლის დარღვევა გახდა.

“შევარდენის” წინააღმდეგ შეხვედრაში “საბურთალოს” შემადგენლობაში მონაწილეობდა დასაშვებზე მეტი ფარმ-გუნდში რეგისტრირებული ფეხბურთელი.

სადისციპლინო დავების განმხილველმა კომიტეტმა კი ამ მიზეზის საფუძველზე საბურთალოს 0:3 წაგება ჩაუთვალა და ასევე დააკისრა ჯარიმა ათასი ლარის ოდენობით.

შეგახსენებთ,,რომ "საბურთალომ" "შევარდენს" 2:1 მოუგო, თუმცა დღევანდელი გადაწყვეტილების საფუძველზე, საქართველოს თასის მერვედფინალში "შევარდენი 1906" გავიდა. მომდევნო ეტაპზე თბილისის "შევარდენის" მეტოქე გურია იქნება.