„ბავშვთა სამყაროში“ გაჩენილი ხანძრის შედეგად დაზარალებული მოვაჭრეები აცხადებენ, რომ მათ კარავი სამოქალაქო ფორმაში ჩაცმულმა პოლიციელმა წაართვა. როგორც მათ „მოამბესთან“ ინტერვიუში აღნიშნეს, მთავრობის ადმინისტრაციასთან კარვის გაშლას გეგმავდნენ, რა დროსაც მათთან სამოქალაქო ფორმაში ჩაცმული პირი მივიდა და კარავი წაართვა.
„ბავშვთა სამყაროს“ დაზარალებული მოვაჭრეები მთავრობის ადმინისტრაციასთან კარვების გაშლის ნებართვას მერიისგან ითხოვდნენ, თუმცა მათ დედაქალაქის მერიაში განუცხადეს, რომ კარვების გაშლაზე სპეციალურ ნებართვას არ გასცემენ. მოვაჭრეები ამბობენ, რომ ამჯერად შსს-ს თანამშრომლები არ აძლევენ კარვის გაშლი ნებართვას.
რაც ეხება „ბავშვთა სამყაროს“ დაზარალებული მოვაჭრეების მოთხოვნებს, ისინი ზარალის სრულად ანაზღაურებას ითხოვენ, ხოლო ზარალის ანაზღაურებამდე - კომპენსაციების მიღებას.
მთავრობის ადმინისტრაციის წინ, ამ წუთებში, დაზარალებულ მოვაჭრეებთან ერთად, სამართალდამცავები არიან შეკრებილი.