საკალათბურთო ევროლიგაში პირველი ეტაპი დასასრულს უახლოვდება. 26-ე ტურის ცენტრალური მატჩი ათენის "ოაკას" დარბაზში შედგა, სადაც "პანათინაიკოსმა" მადრიდის "რეალს" უმასპინძლა.
თამაში ბოლო წუთამდე საინტერესო და დაძაბული გამოვიდა. ლიდერი არაერთხელ შეიცვალა. ბოლო მეოთხედის წინა ანგარიში თანაბარი, 58-58 იყო. დასკვნით ათწუთიან მონაკვეთში კი, მასპინძლებმა უკეთ ითამაშეს და საბოლოოდ 88-82 მოიგეს.
გამარჯვებულთა შორის საუკეთესო 21 ქულით, კრის სინგლტონი გახლდათ. მაიკ ჯემისის ანგარიშზე 14 ქულაა. ამ პრინციპული გამარჯვების შემდეგ, "პაო" საუკეთესო ხუთეულში იმყოფება. "რეალი" კი კვლავ ლიდერთა შორისაა. მადირდელები მეორე ადგილზე არიან და მხოლოდ მოსკოვის ცეესკას ჩამორჩებიან. ცეესკა დღეს სტუმრად, თორნიკე შენგელიას "ბასკონიას" ეთამაშება