ესპანეთის პოლიციამ სპეცოპერაციის შედეგად საქართველოს 48 მოქალაქე დააკავა.

ადგილობრივი მედიის ინფორმაციით, ისინი ე.წ. „ქართული მაფიის“ წევრები არიან. როგორც საინფორმაციო სააგენტოები იუწყებიან, ოპერაციის ფარგლებში, რომელიც ერთდროულად მადრიდში, ხეტაფეში, ლეგანესსა და ბარსელონაში ჩატარდა, 600-მდე საიუველირო ნაკეთობა ამოიღეს.

ესპანეთის პოლიციის მთავარ სამმართველოში განაცხადეს, რომ დაკავებულებს ბრალი ედებათ ბინებისა და სახლების გატეხვასა და გაძარცვაში, რომელსაც ქვეყნის მასშტაბით ახორციელებდნენ.