ინოვაციების დღეები ზუგდიდის ტექნოპარკში. ინოვაციების სააგენტომ სტარტაპებს და პოტენციურ სტარტაპებს ინოვაციების განვითარების კუთხით სახელმწიფოს ხედვა გააცნო. ასევე, წარუდგინა საკუთარი პროგრამები, პროექტები და სერვისები.

წარმატებულმა სტარტაპებმა და მეწარმეებმა ჩაატარეს ტრენინგი და თავიანთი გამოცდილება გაუზიარეს დამსწრე საზოგადოებას.

ორდღიან ღონისძიებაში მეწარმეობის განვითარებისა და ტურიზმის ეროვნული სააგენტოები, „საპარტნიორო ფონდი’’ და „ბავშვთა და ახალგაზრდობის განვითარების ფონდი’’ მონაწილეობდნენ.

ღონისძიების ბოლოს, ინოვაციების სააგენტომ ათ მუნიციპალიტეტთან სამომავლო თანამშრომლობის შესახებ მემორანდუმი გააფორმა.