#ინტერVIEW „ერთმორწმუნეობა“ თუ ნიჰილიზმის დამკვიდრება და მომავლის რწმენისთვის ძირის გამოთხრა - რუსული პროპაგანდა მსოფლიოში და საქართველოში, პუტინის „პოსტმოდერნული დიქტატურის“ რიტორიკა
9 მარტი, 2017
• რას ვგულისხმობთ, როცა „რუსულ პროპაგანდაზე“ ვსაუბრობთ − და რა განასხვავებს ამ პროპაგანდას საბჭოთა პრაქტიკისგან?
• რა პოლიტიკურ, კულტურულ თუ გენდერულ მნიშვნელობებს ატარებს რუსეთის იდეოლოგიურ სივრცეში პრეზიდენტ პუტინის ფიგურა?
• რატომაა, რომ ბევრი ანალიტიკოსი პუტინის სისტემას „პოსტმოდერნულ დიქტატურას“ უწოდებს, აშშ-ში დონალდ ტრამპის გაპრეზიდენტებას კი პოსტმოდერნიზმის შედეგს.
• რა კავშირია ამ ორ ფიგურას შორის და რამდენად განაპირობა მათი აღზევება პოსტმოდერნისტულმა რელატივიზმმა, ერთი ჭეშმარიტების უარყოფამ და „ალტერნატიული ფაქტების“ ცნების დამკვიდრებამ?
• როგორ იჩენს თავს „რუსული პროპაგანდა“ საქართველოს სივრცეში − მხოლოდ სწორხაზოვნად, „ტრადიციული ღირებულებების“ თუ „ერთმორწმუნეობის“ სახელით თუ კიდევ უფრო ღრმა დონეზე, ნიჰილიზმის დამკვიდრების და მომავლის რწმენისთვის ძირის გამოთხრის გზით?
• გადაცემა ინტერVIEW-ს მორიგ გამოშვებაში სალომე ასათიანი ამ და სხვა საკითხებზე ესაუბრება თავის სტუმარს, პიტერ პომერანცევს − პუბლიცისტს, ტელეპროდიუსერს, ავტორს 2015 წელს გამოცემული გახმაურებული წიგნისა „არაფერია ნამდვილი და ყველაფერი შესაძლებელია: მოგზაურობა თანამედროვე რუსეთში“, რომელიც ახლახან ქართულადაც დაიბეჭდა გამომცემლობა „რადარამის“ მიერ.