"ტოლერანტობისა და მრავალფეროვნების ინსტიტუტი" განათლების სამინისტროს აუდიტის დასკვნას აპროტესტებს.
დეკემბერში მოხეს საჯარო სკოლაში მოსწავლისთვის თავსაფრის ტარებასთან დაკავშირებული ინციდენტი სამინისტროს შიდა აუდიტმა მოიკვლია.
დოკუმენტის მიხედვით არ დადასტურდა სკოლის ადმინისტრაციის მხრიდან მოსწავლის სკოლაში ჩარიცხვის წინაპირობად თავსაბურავის ტარებაზე უარის თქმის მოთხოვნა.
„ტოლერანტობისა და მრავალფეროვნების ინსტიტუტი" კი აცხადებს, რომ განათლების უწყების მიერ წარმოდგენილი დასკვნა დისკრიმინაციის ლეგიტიმაციას ახდენს, შეუძლებელს ხდის რელიგიური უმცირესობებისთვის თანასწორუფლებიანობის პრინციპზე დაფუძნებული სასწავლო სივრცის არსებობას და არღვევს საქართველოს კონსტიტუციის, „ზოგადი განათლების შესახებ კანონისა“ და საერთაშორისო სამართლით დადგენილი რელიგიის თავისუფლების სტანდარტებს.