მოლდოვამ რუსეთიდან ელჩი გაიწვია. ქვეყნის საგარეო საქმეთა სამინისტროში განაცხადეს, რომ არ შეუძლიათ ოფიციალურად გაახმაურონ დიმიტრი ბრაგიშას რუსეთიდან გამოწვევის მიზეზი. „ჩვენ არ გვსურს, რომ ამ ინფორმაციამ ზიანი მიაყენოს ორმხრივ ურთიერთობებს და თავად ამ ადამიანს“,- აღნიშნეს უწყებაში.

რუსეთის საგარეო საქმეთა სამინისტროში განაცხადეს, რომ რუსეთისთვის ასეთი გადაწყვეტილების მიზეზი გაუგებარია. გამოცემა „კომერსანტი“ მოლდოვას პრეზიდენტის ადმინისტრაციაში წყაროზე დაყრდნობით წერს, რომ ელჩის გაწვევა ქვეყნის პრეზიდენტთან იგორ დოდონთან დაპირისპირებას უკავშირდება.