დიუსელდორფის გრან პრის პირველი დღე ქართველებისთვის წარმატებული გამოდგა – ჩვენმა ძიუდოისტებმა 1 ოქროს და 1 ვერცხლის მედალი მოიპოვეს.

60 კგ-მდე წონით კატეგორიაში ამირან პაპინაშვილი ფინალში გავიდა და ვერცხლის მედალი მიიღო. 66 კგ-მდე წონითი კატეგორიაში ოქროს მედლისთვის ვაჟა მარგველაშვილი იბრძოდა. მან ნახევარფინალში ებრაელი მეტოქე დაამარცხა, ფინალში კი იაპონელ მოწინააღმდეგეს მოუგო.

დღეს, 25 თებერვალს დიუსელდორფში მედლები კიდევ ორ წონით კატეგორიაში გათამაშდება. 73 კგ-ში ლაშა შავდათუაშვილი და ფრიდონ გიგანი იასპარეზებენ, 81-ში კი - ნუგზარ ტატალაშვილი და ამბაკო ავალიანი.