მას შემდეგ, რაც პატრიარქი საქართველოში დაბრუნდა, სოსო ოხანაშვილი საპატრიარქოში არ გამოჩენილა და არც ახლა იმყოფება, - ამის შესახებ ჟურნალისტებს სრულიად საქართველოს კათოლიკოს-პატრიარქის პრესმდივანმა, მამა მიქაელ ბოტკოველმა შესაბამის კითხვაზე საპასუხოდ განუცხადა.

მან დეტალების დაკონკრეტებისგან თავი შეიკავა და კომენტარი არ გააკეთა კითხვაზე - იკავებს თუ არა სრულიად საქართველოს კათოლიკოს-პატრიარქის უსაფრთხოების სამსახურის უფროსი სოსო ოხანაშვილი ისევ პატრიარქის დაცვის უფროსის თანამდებობას.

შეგახსენებთ, გავრცელდა ინფორმაცია, რომ სოსო ოხანაშვილმა თანამდებობა დატოვა. „მოამბე“ სოსო ოხანაშვილთან დაკავშირებას და დეტალების გარკვევას ცდილობს.