სამი წლის ბიჭი ემსხვერპლა და 15 ადამიანი დაშავდა თურქეთის სამხრეთ-აღმოსავლეთით ავტომობილში დამონტაჟებული ბომბის აფეთქების შედეგად, ამის შესახებ ინფორმაციას CNN ადგილობრივ მედიასაშუალება Anadolu-ზე დაყრდნობით ავრცელებს.

შემთხვევა 17 თებერვალს ღამით მოხდა. როგორც სანლიურფას გუბერნატორმა გუნგორ აზიმ ტუნამ თურქულ სააგენტოსთან ინტერვიუში განაცხადა, მძღოლმა ავტომობილი იმ საცხოვრებელი კომპლექსის წინ გააჩერა, სადაც სასამართლო სისტემის წარმომადგენლები ცხოვრობენ და ბომბი დისტანციური კონტროლის საშუალებით აამოქმედა.

ეჭვმიტანილი 18-დან 20 წლამდე ახალგაზრდაა. მომხდართან დაკავშირებით სხვა დეტალები უცნობია.

გარდაცვლილი ბავშვი სასამართლოს მდივნის ვაჟია.



წყარო: CNN