ქართველმა მოციგურავე ნიკა ეგაძემ ერზურუმში მიმდინარე ევროპის ზამთრის ოლიმპიურ ფესტივალზე ბრინჯაოს მედალი მოიპოვა.

14 წლის სპორტსმენი მოკლე პროგრამის შემდეგ, მეექვსე ადგილზე იყო, თუმცა თავისუფალ პროგრამაში შესანიშნავად ისრიალა და საბოლოოდ, 155, 18 მეათედი ქულით მესამე ადგილი დაიკავა.

აღსანიშნავია, რომ ეგაძე ფესტივალის ყველაზე ახალგაზრდა მონაწილეა. ამ ტურნირების ისტორიაში, აქამდე საქართველოს მხოლოდ ერთი მედალი ჰქონდა, 1997 წელს შვედეთში გამართულ შეჯიბრზე ვახტანგ მურვანიძე ვერცხლის მედლის მფლობელი გახდა.