საფეხბურთო კლუბი „ალავესი“ ესპანეთის თასის გათამაშების ფინალშია. მაურიციო პელეგრინოს გუნდმა ნახევარფინალურ ეტაპზე ორი მატჩის ჯამში ვიგოს „სელტა“ დაამარცხა. გალისიაში გამართულ პირველ თამაშში, დაფიქსირებული ნულოვანი ფრის შემდეგ, ალავესმა, გუშინ, საკუთარ მენდიზოროზას სტადიონზე 1-0 გაიმარჯვა. ერთადერთი გოლი, შეხვედრის 82-ე წუთზე, ედგარ მენდესმა გაიტანა და თავისი გუნდი არსებობის ისტორიაში, კოპა დელერეის ფინალში პირველად გაიყვანა. ბასკური კლუბის მეტოქე გადამწყვეტ შეხვედრაში, „ბარსელონა“ იქნება. ფინალი 27 მაისს გაიმართება.