მოსკოვი საქართველოსთვის სავიზო რეჟიმის გაუქმებას არ გამორიცხავს, თუმცა რეჟიმის გამარტივებაზე რუსული მხარის პოზიცია, დიდწილად, ქართულ მხარეზე იქნება დამოკიდებული. ეს რუსეთის საგარეო საქმეთა სამინისტროს განცხადებაა. უწყება აბაშიძე-კარასინის მორიგ შეხვედრას ეხმაურება.
სამინისტროს განცხადებაში ნათქვამია, რომ მხარეებმა 2016 წელს რუსეთ-საქართველოს ურთიერთობების ნორმალიზაციის პროცესის შედეგები განიხილეს. „აღნიშნული პროცესი კვლავ იმ სფეროებს ეხება, სადაც პროგრესი შესაძლებელია დიპლომატიური ურთიერთობების არქონის მიუხედავად - ვაჭრობა, ტრანსპორტი, ჰუმანიტარული კონტაქტები. რუსეთი საქართველოს მთავარი სავაჭრო პარტნიორების სამეულში შევიდა და ქართული პროდუქციის რეალიზების მნიშვნელოვანი ბაზარია”,- ნათქვამია რუსეთის საგარეო საქმეთა სამინისტროს განცხადებაში.