საქართველოს პრემიერმინისტრის სპეციალური წარმომადგენელი პრაღიდან, დღეს, გამთენიისას დაბრუნდა. ზურაბ აბაშიძის თქმით, შეხვედრაზე მთავარ საკითხად სავაჭრო-ეკონომიკური ურთიერთობების კუთხით, 2016 წლის შედეგები და 2017 წლის პერსპექტივები განიხილეს. პრემიერმინისტრის სპეციალური წარმომადგენელი აცხადებს, რომ კარასინთან დიალოგის შემდეგ საქართველოდან რუსეთში ექსპორტზე 850 მლნ დოლარის ღირებულების საქონელი გავიდა. ზურაბ აბაშიძის განცხადებით, რუსმა კოლეგამ გია ცერცვაძის საკითხზე ისაუბრა, თუმცა მათი მოლაპარაკებების ფორმატს აღნიშნული თემის განხილვას არ მოიცავს.
პრემიერმინისტრის წარმომადგენელმა კარასინს განუმარტა, რომ ქართული კანონმდებლობა საქართველოს მოქალაქის სხვა ქვეყნისათვის გადაცემას კრძალავს. მოლაპარაკებებზე განხილვის მთავარი საკითხი იყო ასევე საბაჟო ადმინისტრირების და სასაქონლო ვაჭრობის მონიტორინგის შეთანხმება. ქართული მხარე ამ მიმართულებით რუსეთის მხრიდან საჭირო პროცედურების დასრულებას ელოდება.