უამინდობის გამო შეზღუდვებია რამდენიმე საუღელტეხილო მონაკვეთზე. მოძრაობის სპეციალური რეჟიმია დაწესებული ქუთაისი-წყალტუბო-ცაგერი-ლენტეხის საავტომობილო გზის მონაკვეთზე და აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა, ხოლო დანარჩენი სახის ავტოტრანსპორტის გადაადგილება ნებადართულია.
რაც შეეხება ქუთაისი-ტყიბული-ამბროლაურის და ზუგდიდი-ჯვარი-მესტია საავტომობილო გზას, ამ მონაკვეთებზე ნებადართულია მოძრაობა მსუბუქი ავტომობილებით მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა კი თავისუფალია. იგივე რეჟიმი მოქმედებს კოდა–ფარცხისი–მანგლისი–წალკა–ნინოწმინდის და ახალციხე-ნინოწმინდის მონაკვეთებზეც.