მსოფლიო ბანკის მხარდაჭერით მიმდინარე ეკონომიკური რეფორმები განიხილეს ფინანსთა სამინისტროში. მსოფლიო ბანკი საქართველოში სამწლიანი თანამშრომლობის პროგრამის ფარგლებში რამდენიმე რეფორმის მხარდაჭერას ახორციელებს. ბანკის მიერ მხარდაჭერილ რეფორმებს შორისაა: საქართველოში კაპიტალის ბაზრის განვითარება, საპენსიო სისტემის რეფორმის შემუშავება, დეპოზიტების დაზღვევის რეფორმა, ინოვაციური ტექნოლოგიების მხარდაჭერა, ბიზნესის გარემოს გაუმჯობესებისკენ მიმართული ღონისძიებები და ღია მმართველობის რეფორმა.